गुरुकृपा अर्बन

" वचन अर्थसमृद्धीचं व सुरक्षेचं.... " हे ब्रीद वाक्य घेऊन गुरुकृपा अर्बन ची स्थापना एक छोट्याशा छत्राखाली सप्टेंबर 2002 साली झाली व नवीन वास्तुत स्थलांतर मार्च 2017 साली झाले. गुरुकृपा अर्बनद्वारे देत असलेल्या सेवा, सुविधा, दर्जा व गुणवत्ता प्रणालीसाठी आंतरराष्ट्रीय मानांकन संस्थेतर्फे ISO 9001-2015 मानांकन संस्थेस प्राप्त झाले आहे.

सहकार क्षेत्राचे नियम काटेकोरपणे पालन करत गुरुकृपा अर्बन विविध प्रकारची कर्जे जसे कि, वैयक्तिक कर्ज, व्यवसाय कर्ज, गृह कर्ज, सोने तारण कर्ज, वाहन कर्ज इ. सारखे कर्ज सहज व सोप्या पद्धतीने अल्पकालावधीत दिले जातात. सामान्य नागरिक व व्यावसायिकांच्या आर्थिक गरजा परिपूर्तीसाठी लागणारे भांडवल आम्ही तत्परतेने उपलब्ध करून देतो, त्यामागचा मूळ हेतू हा सर्व सामान्य व्यक्ती विकासाच्या मुख्य प्रवासाशी जोडला जावा हा आहे. आजचे उत्साही आणि निर्भीड तरुण आपल्या कुटुंबाच्या उदरनिर्वाहाचे आणि कालांतराने देशाच्या विकासाचे आधारस्तंभ आहे. त्यांच्या व्यवसायरुपी आकांक्षांना प्रत्यक्षात उतरविण्यासाठी त्यांची आर्थिक गरज लक्षात घेऊन हजारो नवतरुण युवकांना आम्ही व्यवसायिकरुपी मार्गदर्शन करत आहोत.

मुळात संस्थेचा हेतू हा फक्त कर्जवाटपाचा व ठेवीचा नसून " समाजातील तळागाळातील सर्व सामान्य माणूस उभा करणे व त्याला आर्थिकदृष्ट्या सक्षम करणे हा आहे. " बदलत्या काळानुसार आधुनिक तंत्रज्ञानाची अमलबजावणी करून आधुनिक सुविधा जसे कि, मोबाइल बँकिंग, इंटरनेट बँकिंग व डिजिटल बँकिंग इ. सेवा आपल्यापर्यंत पोहोचविणे हा आमचा मानस आहे. आपल्या गुरुकृपा अर्बनमध्ये सर्व सामान्यांना हक्काचे स्थान देण्याचा प्राथमिक उद्देश ठेऊन सतत विकासाच्या नवनवीन पैलूंवर विचारकरून सर्व सामान्यांना काय हवय? या गोष्टीचा सखोल अभ्यास करून गुरुकृपा अर्बन सदैव सेवा पुरवण्यास प्राधान्य देईल.

समृद्ध राष्ट्र निर्माण करण्यासाठी सर्वसामान्य लोकांना सक्षम करणे.

भारतीय लोकांचे जीवनमान उंचावण्यासाठी समान संधी उपलब्ध करून देणे.

सातत्य, पारदर्शकता, सुरक्षा, समृद्धी, सचोटीचे शिक्षण, सामाजिक प्रबोधनासाठी प्रयत्नशील असणे.

प्रत्येक व्यक्तींचा आदर करणे आणि कठोर तत्वाचे, शिष्टाचारांचे पालन करणे.